လေးစားချစ်ခင်ရသော မွတ်စ်လင်မ် ညီအကိုမောင်နှမအပေါင်းတို့ . . . . . . . . .
ချီးမွမ်းခြင်းအပေါင်းတို့သည် အလ္လာဟ်အရှင်မြတ် အတွက်သာတည်း။ ကျွန်ုပ်တို့သည် အလ္လာဟ်အရှင်မြတ် ထံတော်မှ သာ အကူအညီတောင်းခံပါသည်။ ခိုလှုံခွင့်နှင့် ခွင့်လွှတ်မှုကိုလည်းတောင်းခံပါသည်။ ထိုအပြင် ကျွန်ုပ်တို့စိတ်အတွင်းရှိ မကောင်းမှုကို အားပေးသည့်လှုံဆော်မှုနှင့် ပြင်ပမှ ပြစ်မှုကျူးလွန်အောင်ပြုလုပ်သည့် လှုံဆော်မှုများမှ ကာကွယ်မှုရရန် အလ္လာဟ်အရှင်မြတ်ထံ ခိုလှုံပါသည်။ ထို့အပြင် တမန်တော်မြတ်(ဆွ)နှင့် မိသားစုဝင်များ အဆွဟာဗ်တော်များ အားလုံး အပေါ် အလ္လာဟ်အရှင်မြတ်၏ ရဟ်မသ်တော် ဘရကသ်တော် များ ကျရောက်စေသားဟုလည်း ဆုမွန်ကောင်းတောင်း ခံအပ်ပါသည်။ အာမီးန်
Thrustworthiness ခေါ် အမာနသ် သစ္စာတရားကို စောင့်ထိန်းခြင်းဟူသည် အစ္စလာမ်သာသနာ တော်တွင် အလွန်အရေးပါသော အကြောင်းတစ်ရပ်အဖြစ် ဆွေးနွေးသင်ယူနာကြားကြပါသည်။ အစ္စလာမ်သင်ခန်း စာများကို သင်ကြားသော တက္ကသိုလ်ကြီးများတွင် ယုံကြည်ကိုးစားခြင်း အခန်းကဏ္ဍကို သင်ခန်းစာတစ်ခု အဖြစ် မဖြစ်အနေ သင်ကြားကြပါသည်။ မြန်မာမွတ်စ်လင်မ်များ အဖို့ အမာနသ် ဆိုလျှင် အခြားသူတစ်ဦးက မိမိအား သူတို့၏ ပစ္စည်း၊ ငွေကြေးကို အပ်နှံထားခြင်းနှင့် ၄င်းကို ထိုသူပြန်တောင်းသည့်အချိန်အထိ ထိန်းသိမ်းစောင့်ရှောက်ခြင်းနှင့် ပြန်တောင်းလျှင် လျှောလျှောလျူလျူဖြင့် ပြန်ပေးခြင်းပင်ဖြစ်သည်။
အမာနသ် ဟူသော စကားတွင် အခြားအဓိပ္ပါယ်များစွာ ရှိပါသည်။ မှန်ကန်သောစကားကိုပြောခြင်း၊ ကတိသစ္စာတရားကို လေးစားလိုက်နာခြင်း၊ အလုပ်ဟူသမျှကို မှန်မှန်ကန်ကန်လုပ်ကိုင်ခြင်း၊ မည်သူ့ကိုမျှ လိမ်လည်လှည့်ဖျားသည့် စိတ်မထားခြင်း၊ လိမ်လည်သည့်အလုပ်မလုပ်ခြင်း၊ အထူးသဖြင့် အလ္လာဟ် အရှင်မြတ်တားမြစ်သည့် လုပ်ရပ်များကို ရှောင်ကြဉ်ခြင်းနှင့် လမ်းညွှန်သည့်လုပ်ငန်းများကို တာဝန်ကျေပွန် ခြင်း၊ အဆုံးစကားမှာ ယုံကြည့်ကိုးစားမှုဟူသည် မည်သည့်အရာကိုမဆို သူ့နေရာနှင့်သူ မှန်ကန်တော်တည့် အောင် လုပ်ကိုင်ဆောင်ရွက်ခြင်းပင်ဖြစ်ပါသည်။
နောက်သဘောတစ်ခုမှာ ယုံကြည်မှုဟူသည် တစ်စုံတစ်ယောက်အပေါ်တွင် စိတ်ချရခြင်း၊ သစ္စာရှိ ကြောင်းယုံကြည်ခြင်း၊ မျှတစွာဆောင်ရွက်တတ်ကြောင်းသိခြင်း၊ အလုပ်တစ်ခုအပ်နှင်းရာတွင် တာဝန်ကျေပွန် စွာ ဆောင်ရွက်နိုင်သည်ဟု ယူဆခြင်း စသည့် သဘောတရားများလည်းပါဝင်သည်။ ယုံကြည်အပ်နှင်းခံရသူ သည်လည်း ယုံကြည့်မှုကို အပ်နှင်းခံ ရသည့်အခါ မိမိသည် ထိုတာဝန်ကို အောင်မြင်အောင် ဆောင်ရွက်နိုင် သည်ဟု ထင်မြင်ပြီး အောင်မြင်အောင် ဆောင် ရွက်နိုင်သည့် သတ္တိနှင့် အရည်အချင်းလည်းရှိသည်ကို ဆိုလိုပါသည်။
သဘောရေးရာအရကြည့်လျှင် ယုံကြည်မှုဟူသည် အလုပ်တာဝန်တစ်ရပ်၏ အခွင့်အရေးတစ်ခုလည်း ဖြစ်သည်။ ဥပမာ အလ္လာဟ်အရှင်မြတ်သည် လူသားကို အိဗါဒသ်ပြုရန် တာဝန်ပေးအပ်သည်ဆိုပါစို့၊ မိမိတို့အနေဖြင့် ၄င်းအိဗါဒသ် တာဝန်ကို အိဗါဒသ်နှင့်တူအောင် တာဝန်ကျေပွန်စွာ၊ တိကျစွာ အိဗါဒသ်၏ သတ်မှန်ချက်၊ လိုအပ်ချက် ပြည့်ပြည့်၀၀ဖြင့် ပြုလုပ်ခြင်း ကိုဆိုလိုသည်။ အိဗါဒသ်တွင် စံချိန်မမှီခြင်း၊ လျှော့နည်းခြင်းဖြင့်လျှင် မိမိသည် ထိုအိဗါဒသ်တာဝန်၏ အခွင့်အရေးကို ပြည့်ဝစွာ ဖြည့်ဆည်းခြင်း မပြုနိုင်သဖြင့် မိမိသည် အလ္လာဟ်အရှင်မြတ်၏ မွတ်စ်လင်မ် တစ်ယောက်အဖြစ် ယုံကြည်အပ်နှံမှုကို အလွဲသုံးစားလုပ်သည့်သဘောဖြစ်သည်ကို နားလည်သင့်သည်။ ယနေ့ မိမိတို့သည် မိမိကိုယ်ကို ပြန်မေးကြည့်ပါ။ မိမိသည် မည်မျှ အိဗါဒသ် တာဝန်များကို တာဝန်ကျေပွန်ပါသလဲ။ နေ့စဉ် အလ္လာဟ် ပေးအပ်သည့် ဆွလာသ်တာဝန်များကို ကျေပွန်ပါရဲ့လား။ ရိုဇာဥပုဒ်များကိုတာဝန်ကျေပွန်ပါရဲ့လား။ အလ္လာဟ်အရှင်မြတ် တာဝန်ပေးသည့် ကောင်းမွန်သည့်အလုပ်ကို လမ်းညွှန်ခြင်းနှင့် မကောင်းမှုကို တားမြစ်ခြင်းအလုပ်များကို လုပ်ကြပါသလား။ မိမိတို့ အမှန် တကယ် မွတ်စ်လင်များဟု မိမိကိုယ်ကို ယုံကြည့်လျှင် မိမိကိုယ်ကို ပြန်မေးကြည့်ပါဦး။
စူရာအင်မ်ရာမ် အာယသ် ၇၅ တွင် အမိန့်တော်လာရှိသည်မှာ- ယခင်ကျမ်းစာအုပ်များရရှိသူတို့အတွင်း အချို့သည် ၄င်းတို့ ထံတွင် ရွှေအထုပ်လိုက်အပ်ထားကာ အချိန်တန်ပြန်တောင်းလျှင် ချက်ခြင်းပြန်လည်ပေး အပ်လိုက်သည်။ သို့သော်အချို့ သည် ငွေတစ်ပြားအပ်ထားစေကာမူ အချိန်တန်ပြန်တောင်းလျှင်၊ ပြန်ပေးလေ့မရှိကြပေ၊ အသင်သာ အဆက်မပြတ် တောင်းနေစေကာမူ သူတို့ကမပေးဘဲ ပြောကြသည်မှာ ထိုသို့ယူပြီးပစ္စည်းကိုပြန်ပေးရန် သူတို့၏တရားတော်တွင်မရှိဟု ပြောကြလေသည်။
ရှရီအသ်တရားတော်တွင် အမာနသ် ယုံကြည်ကိုးစားခြင်း၊ သစ္စာတရားစောင့်ထိန်းခြင်းဟူသည် သမုဒ္ဒရာ ထက်နက်နဲသော သဘောကိုဆောင်ပါသည်။ တနည်းအားဖြင့် အစ္စလာမ့်တာဝန်ကို နားလည်သဘော ပေါက်ခြင်း၊ မွတ်စ်လင်မ်တစ်ဦး၏ တာဝန်ကို ကျေပွန်ခြင်းပင်ဖြစ်ပါသည်။ ထိုတာဝန်ကျေပွန်ခြင်းတွင် ထိုသူသည် ၄င်းအပေါ်တွင် မွတ်စ်လင်မ် တစ်ဦးအနေ ဖြင့် ရှိနေအပ်သည့် တာဝန်ဝတ္တရားများကို ကိယာမတ်နေ့တွင် အလ္လဟ်အရှင်မြတ်ထံ စာရင်းရှင်းရမည်ကို နားလည် သဘောပေါက်နေခြင်း ပင်ဖြစ်ပါသည်။ လူတို့သည် အမာနသ်နှင့်ပတ်သက်ပြီး ပေါ့ပေါ့တန်တန် သဘောထားလေ့ရှိသည်။ အကြောင်းက သူတို့သည် အမာနသ်၏ သဘောကို သိသလိုလိုဖြင့် စင်စစ် လုံးဝမသိရှာကြဘဲ မိမိကိုယ်ကို လိမ်နေသည့် အဖြစ်ကို သူတို့ကိုယ်တိုင်ပင် မသိဖြစ်နေကြသည်။ သူတို့ကို မေးလျှင် အခြားသူတစ်ဦး၏ တာဝန် (သို့) ပစ္စည်းကို ထိန်းသိမ်းစောင့်ရှောက်ရသည့်အလုပ်ဟု ပြောကြသည်။ စင်စစ် အခြားသူ၏ အလုပ်မဟုတ်ဘဲ မိမိ၏အလုပ် မိမိ၏ တာဝန်ကို ထိန်းသိမ်းစောင့်ရှောက်ခြင်းဆိုသည်ကို သဘောပေါက်လျှင် ယနေ့လူသားတို့ အသိုင်းအ၀န်းသည် အလွန်ပင် ပျော်ရွှင်စရာ၊ လှပလွန်းသည့် ပတ်ဝန်းကျင်ဖြစ်နေလိမ့်မည်။
Importance of thrustworthiness အမာနသ် သစ္စာတရား စောင့်ထိန်းခြင်း၏ အရေးပါမှု
စူရာ အဟ်ဇာဘ် အာယသ် ၇၂ တွင် အမိန့်တော်ရှိသည်မှာ- ငါအရှင်မြတ်သည် အမာနသ်နှင့်ပတ်သက်ပြီး မိုးမြေနှင့်တောင်တို့ကို အပ်နှင်းခဲ့ရာ ၄င်းတို့သည် တာဝန်ယူရန် ကြောက်ရွံ့သဖြင့် ငြင်းပယ်ခဲ့ကြလေသည်။ သို့သော် လူသားသည် အမာနသ် တာဝန်ကိုယူခဲ့လေသည်။ လူသားသည် စင်စစ် မိမိကိုယ်ကို သင့်တော်၏ မတော်၏ တရားမျှတ စွာ မဆောင်ရွက်ခဲ့ပါ။ တနည်းအားဖြင့် လူသားသည် အသိဥါဏ်နည်းပါလွန်းသည်။
ကျမ်းမြတ်ကုရ်အာန်၏ အဆိုအရ အမာနသ်ဟူသည် လူသားကိုပေးအပ်သည့် အလွန်ကြီးမားသည့် တာဝန်ကြီးတစ်ရပ် ဖြစ်ပါသည်။ အလ္လာဟ်အရှင်မြတ်သည် လူသားကို အရှင်မြတ်၏ ကိုယ်စားလှယ် အဖြစ်ခန့်အပ်ပြီး
၁။ မိမိကိုယ်ကို ကောင်းအောင်၊ အောင်မြင်သူဖြစ်အောင် တာဝန်ကျေပွန်သူဖြစ်အောင် ဆောင်ရွက်ရန်
၂။ အခြားသူများကို မွန်မြတ် ကောင်းမွန် အောင်မြင်သူများဖြစ်အောင် ဆောင်ရွက်ရန်၊
၃။ မိမိပတ်ဝန်းကျင်နှင့် မြေကမ္ဘာကို ပြုစုပျိုးထောင်ရန်၊ ကာကွယ် စောင့်ရှောက်ရန်ပင်ဖြစ်သည်။ ထိုသို့ တာဝန် ၃ ရပ်ကို ပိုင်နိုင်စွာ အကောင်အထည်ဖေါ်နိုင်ရန်အတွက် လူသားသည် အလ္လာဟ်အရှင်မြတ်အား
၁။ အီမာန်ယူရန်၊
၂။ အလ္လာဟ်အရှင်မြတ်အား အခြားသူများနှင့် ယှဉ်ပြိုင်ကာ မကိုးကွယ်ရန်၊
၃။ မကောင်းမှုများမှ ရှောင်ကြဉ်ရန်၊
၎။ ပြစားမှု မပြုလုပ်ရန်၊
၅။ အယောင်ဆောင် မွတ်စ်လင်မ် မဖြစ်မိရန်၊
၆။ အပြစ်ကျူးလွန်သူ မဖြစ်စေရန်၊ တနည်း ဟရာမ် လုပ်ရပ်မှ၎င်း၊ ဟရာမ် စားသောက်ခြင်းမှ၎င်း ရှောင်ကြဉ်ရန်၊ စသည့် အလုပ်များကို တာဝန်တစ်ရပ်အနေဖြင့် ဆောင်ရွက်ရန် အရေးကြီးသည်။
အဆိုပါတာဝန်များကို လုပ်ဆောင်၇ာတွင် လူသားသည်
၁။ ပထမအနေဖြင့် အစ္စလာမ်သာသနာနှင့် တာဝန်ဝတ္တရားများ၊ အစ္စလာမ်ဗဟုတပညာရပ်များကို နားလည် လေ့လာရန် လိုအပ်သည်။
၂။ ဒုတိယအချက်တွင် တမန်တော်တို့၏ ကိုယ်ကျင့်တရားများကို လေ့လာကာ အတုယူခြင်းဖြင့် အဆိုပါတာဝန်များကို လုပ်ကိုင်ဆောင်ရွက်ရာတွင် လွယ်ကူစွာဆောင်ရွက်နိုင်မည်ဖြစ်သလို ကောင်းသည့် ကိုယ်ကျင့် တရားများကိုလည်း ပိုင်ဆိုင်လာနိုင်သည်။ စင်စစ် မိမိတို့၏ကောင်းသည့် ကိုယ်ကျင့်တရားကြောင့်သာလျှင် အလ္လာဟ် အရှင်မြတ်၏ တာဝန်ဝတ္တရားများကို ကျေပွန်စွာဖြင့် ထမ်းဆောင်နိုင်သည့် အခြေအနေကိုပိုင်ဆိုင်နိုင်ခြင်းဖြစ်ပါသည်။
ကျမ်းမြတ်ကုရ်အာန် စူရာ နီစာ အာယသ်တော် ၅၈ တွင် မိန့်သည်မှာ- အလ္လာဟ်အရှင်မြတ်သည် အသင့်ကို အသင်၏ တာဝန်ပေးခံရသည့်သူများနှင့် ပတ်သက်လျှင် ယုံကြည့်စိတ်ချစွာဖြင့် တာဝန်ကျေပွန်စွာ အလုပ်လုပ် ရန် အမိန့်ပေးပါသည်။ လူတစ်ဦးနှင့် တစ်ဦးအကြား ဆုံးဖြတ်စရာများရှိလျှင် တရားသဖြင့် ဆုံးဖြတ်ပါလေ။ စင်စစ် အလ္လာဟ်အရှင်မြတ် အသင့်ကို သင်ပြသည့်ဆုံးမစကားသည် မည်မျှ စံပြဖြစ်လောက်ဖွယ်ကောင်း သည်ကို အသင်သိပါလေစ။ စင်စစ် အလ္လာဟ် အရှင်မြတ်သည် အရာခပ်သိမ်းကို မြင်နိုင်စွမ်းသော ကြားနိုင်စွမ်းအသောအရှင် ဖြစ်ပါသည်။
အမာနသ်သည် လူသားတို့အတွက် အလွန်အရေးကြီးသော တာဝန်တစ်ရပ်ဖြစ်သည်။ ထို့ကြောင့် လည်း စင်စစ် အမာနသ်သည် လူသားထုတစ်ရပ်လုံးနှင့်သာမက စကြာဝဠာ တခွင်လုံးရှိ သက်ရှိသက်မဲ့အရာ အားလုံးနှင့်လည်း သက်ဆိုင်ပါသည်။ တနည်းအားဖြင့် အရာရာတိုင်းတွင် သူ့နေရာနှင့်သူ အဆင့်အတန်း၊ အခြေအနေ၊ အခွင့်အရေး များရှိနေပြီး ၄င်းတို့ကို လူတိုင်းသည် သူ့နေရာနှင့်သူ အလေးပေး၊ အလေးထား ဆက်ဆံသွားရမည်ဖြစ်သည်။
အမာနသ်ဖြင့်သာ လူသားသည် အီမာန်ကို ပိုမိုတန်ဖိုးထားတတ်လာနိုင်ပြီး အလ္လာဟ်အရှင်မြတ်၏ တာဝန်များကိုလည်း ကျေကျေ ပွန်ပွန် ထမ်းဆောင်နိုင်မည်ဖြစ်သည်။ တမန်တော်မြတ် (ဆွ)မိန့်မူ သည်မှာ- အမာနသ်သည် လူသား၏ စိတ်နှလုံးတွင်း ခိုင်ခံ့စွာ ဆောက်တည်နိုင်လာနိုင်လျှင် မြောက်မြားစွာသော ဗဟုသုတများကို ပိုမိုနားလည်လေ့လာနိုင်ပြီး ဗဟုသုတတိုးကာ အိဗါဒသ်ကို ပိုင်နိုင်စွာ လုပ်ကိုင်ဆောင်ရွက် နိုင်မည်ဖြစ်သည်။ ၄င်းအပြင် အမာနသ်သည်ပင် ကိယာမသ်၏ လက္ခဏာတစ်ရပ်ဖြစ်သည်။ တမန်တော်မြတ်(ဆွ) မိန့်သည်မှာ ဤလောကတွင် အမာနသ် ပျောက်ကွယ် သွားလျှင် မိမိတို့သည် ကိယာမသ်ကို မျှော်လင့်ရမည် ဖြစ်သည်။
Classification of Thrustworthiness သစ္စာတရား စောင့်ထိန်းခြင်း၏ အမျိုးအစားများ
အစ္စလာမ်တရားတော်တွင် သစ္စာတရားစောင့်ထိန်းခြင်းနှင့် ပတ်သက်ပြီး လူတိုင်းတွင် ကဏ္ဍသုံးပိုင်း ခွဲခြားကာ တာဝန်ရှိကြောင်းသိရှိရပါသည်။
(၁) အလ္လာဟ်အရှင်မြတ်နှင့် လူသားတို့အကြား သစ္စာစောင့်ထိန်းခြင်း၊
(၂) လူသားနှင့် လူသားတို့အကြား တနည်း လူသားအချင်းချင်း သစ္စာစောင့်ထိန်းခြင်း၊
(၃) လူသားနှင့် မိမိကိုယ်ကို သစ္စာစောင့်ထိန်းခြင်း၊ ဟူ၍ အပိုင်းသုံးပိုင်း ခွဲကာ လေ့လာမည်ဖြစ်သည်။
၁။ အလ္လာဟ်အရှင်မြတ်နှင့် လူသားတို့အကြား သစ္စာတရားထားရှိခြင်း
ကျမ်းမြတ်ကုရ်အာန် စူရာအန်ဖာလ် အာယသ်တော် ၂၇ တွင် မိန့်ဆိုသည်မှာ- အိုအီမာန် ယုံကြည်သူတို့ အလ္လာဟ်နှင့် အလ္လာဟ်တမန်တော်အပေါ်တွင်ထားရှိရမည့် သစ္စာတရားကို၎င်း အခြားသူတစ်ဦးဦးနှင့် ပတ်သက်သော ယုံကြည် အပ်နှံမှု များနှင့် ပတ်သက်ပြီး သစ္စာတရားထားရှိမှုများကို၎င်း၊ အလွဲသုံးစား မပြုလုပ်ကြလေနှင့်။
လူသားတို့သည် အလ္လာဟ်အရှင်မြတ်၏ ကျေးကျွန်များဖြစ်သည့်အတွက် ၎င်းတို့သည် မိမိတို့၏ လုပ်ရပ်များ၊ ဆန္ဒများနှင့် ရည်ရွယ်ချက်အားလုံးကို အလ္လာဟ်အရှင်မြတ်၏ နှစ်သက်မှုအတွက်သာ ရည်မှန်းထားရှိရမည်။ လူတို့သည် အလ္လာဟ်ထံတော်တွင် မိမိတို့ကိုယ်ကို လုံးဝအုပ်သုံ ဝကွက်အပ်ရမည်။ အလ္လာဟ်အရှင်မြတ် သတ်မှတ်သည့် တာဝန်များ ကို ကျေကျေပွန်ပွန်ဆောင်ရွက်ပြီး၊ ထိုသို့ဆောင်ရွက်သည့်အခါတွင် မှန်မှန်ကန်ကန် သစ္စာတရားအပြည့်ဖြင့် ဆောင်ရွက်ရ မည်ဖြစ်သည်။
အထူးသဖြင့် အလ္လာဟ်တပါးတည်းရှိကြောင်း၊ အလ္လာဟ်ကိုယ်သာ ကိုးကွယ်သင့်ကြောင်းနှင့် အလ္လာဟ်နှင့် ယှယ်ပြိုင်ကာ အခြားမည်သည့်အရာကိုမှ မကိုးကွယ်မိရန် အထူးသတိပြုသင့်သည်။ တနည်းအားဖြင့် ကုဖုရ် နှင့် ရှရိက် မလုပ်ရန်ပင်ဖြစ်သည်။ အလ္လာဟ်အရှင်မြတ်သည် လူသားအတွက် စကြာဝဠာအတွင်းရှိအရာများ၊ သက်ရှိသက်မဲ့များကို လူသားတို့ အကျိုး အတွက် ဖန်ဆင်းထားခြင်းဟုဆိုရာတွင် လူတို့သည် ၄င်းအရာများကို လိုသည့်အလျှောက်သာ သုံးစွဲရမည်ဖြစ်သည်။ အလိုရှိတိုင်း အတိုင်းအဆမရှိဘဲ သုံးစွဲရန် မသင့်တော်ပါ။ တနည်းအားဖြင့် သဘာဝတောတောင်များ၊ သယံဇာတ ပစ္စည်းများ၊ တောင်ရိုင်းတိရိစ္ဆာန်များ၊ ကောက်ပဲသီးနှံ၊ သစ်သီးဝလံများ စသည်တို့ကို လိုသည့်အလျှောက် ချင့်ချိန်ကာ သုံးစွဲရမည်။ ထင်တိုင်း ဖြုံးတီးခြင်းပြုလုပ်ရန် မသင့်တော်ပါ။ ထို့အပြင် ၄င်းအရာများကို အလွဲသုံးစားပြုခြင်းမှ ကာကွယ်စောင့်ရှောက်ရမည်ဖြစ်သည်။ ပင်လယ်တွင်းမှ ငါးဖမ်းခြင်းသည် လိုသလောက်သာ လုပ်သင့်သလို သဘာဝ ရေနံများကိုလည်း လိုသလောက်သာ ထုတ်ယူသုံးစွဲရမည်ဖြစ်သည်။ ရေကိုလည်း လိုသလောက်သာ သုံးစွဲသင့်သလို မိမိပိုင်ဆိုင်သော၊ အများပိုင်ဆိုင်သော အရာများကိုလည်း ထိုနည်းအတိုင်း လိုအပ်သည့်အလျှောက်၊ သတ်မှတ်သည့် အလျှောက် ချင့်ချိန် သုံးစွဲရမည်ဖြစ်သည်။ မိမိပိုင်ဆိုင်သည့်အရာတိုင်းကို ထင်တိုင်း သုံးပိုင်ခွင့် မရှိဆိုသည့် သဘောကို ယနေ့လူတို့ကို ပြောလျှင် ယုံကြည်ကြမည်မဟုတ်ပါ။
မြက်ခင်းပေါ်လမ်းမရှောက်ရဟု တားမြစ်လျှင် လမ်းမလျှောက်ရန်သာရှိသည်။ မြက်ခင်းစိမ်းစိမ်း စိုစိုသည် မျက်စိဧမြ စေရန်သာဖြစ်သည်ကို သဘောပေါက်ရမည်။ ထိုနည်းအတိုင်း ရေဘုံဘိုင်ခေါင်းဖွင့်၍ ရေများကျနေသည်ကို မြင်လျှင် သူများဖွင့်တာဘဲ ငါနှင့်မဆိုင်ဟု မထင်မှတ်သင့်ဘဲ ရေပိုက်ခေါင်းကို ပိတ်ပစ်ရမည်။ အလ္လာဟ်အရှင်မြတ်သည် ကိယာမသ်နေ့တွင် လူတိုင်းကို မိမိတို့နှင့် ပတ်သက်သော သစ္စာတရားရှိခြင်း တာဝန်ရှိခြင်းစသည်တို့ကို မေးမြန်းလိမ့်မည်။
၂။ လူသားနှင့် လူသားတို့အကြား သစ္စာတရားစောင့်ထိန်းခြင်း
မွတ်စ်လင်မ်ဟူသမျှသည် လူသားများဖြစ်ကြသည့်အလျှောက် တစ်ဦးကိုတစ်ဦး အမှီသဟဲပြုကြရန်နှင့် တစ်ဦးကိုတစ်ဦး ကူညီစောင့်ရှောက်ကြရန် တာဝန်ရှိပါသည်။ လူသားသည် မိမိ၏ အနားရှိသူများ၊ ဆွေမျိုးသားခြင်းများ၊ အိမ်နီးနားခြင်းများ၊ သူဆင်းရဲများ၊ တောင်းရမ်းသူများ၊ မိဘမဲ့များ၊ မုဆိုးမများ၊ ခရီးသည်များ၊ သစ္စတရား စောင့်ထိန်းသူများ၊ သီးခံတရား ထားရှိသူများစသည်တို့ကို ကူညီစောင့်ရှောက် သင့်ပါသည်။ သူတို့နှင့်ပတ်သက်ပြီး လိုအပ်လျှင်လိုအပ်သလို ကူညီစောင့် ရှောက်သင့်သည်။ ဥပမာ၊ အိမ်နီးနားခြင်းနှင့် မိတ်ဆွေများမရှိက လူတို့သည် အခက်အခဲများစွာ ရင်ဆိုင်ရတတ်ပါသည်။ သို့ဖြစ်၍ မိမိတို့သည် ကိုယ်စီ သစ္စာတရားစောင့်ထိန်းတတ်သူဖြစ်အောင် ကြိုးပမ်းရမည်ဖြစ်သည်။ သို့မဟုတ်က မိမိတို့၏ မိတ်ဆွေများသည် မိမိတို့အပါးမှထွက်ပြေးကြလိမ့်မည်။ ဥပမာ မိမိတို့သည် မိတ်ဆွေတစ်ဦး၏ သစ္စာရှိသူအဖြစ် အသိအမှတ်ပြုခံရရန်ကြိုးစားရမည်။ အိမ်နီးနားချင်းတစ်ဦးက ခရီးထွက်ရန်ရှိလျှင် မိမိကို သူအခန်းသော့အပ်လျှင် မိမိအနေ ဖြင့် ၄င်းအိမ်သော့နှင့် အိမ်ရှိပစ္စည်းများအားလုံးကို ဂရုစိုက်စောင့် ရှောက်ရမည်ဖြစ်သည်။ သူများအိမ်ထဲဝင်ခြင်း၊ ပစ္စည်းများယူဆောင်ခြင်း အလျှင်းမပြုရပေ။ အိမ်ကိုလည်း အဖက်ဖက်မှ စောင့်ရှောက်ရန်တာဝန်ရှိသည်။ အခြားဥပမာ တစ်ခုမှာ အဖွဲအစည်းတစ်ခုက မိမိကို တာဝန်ယူကာ အလုပ်တစ်ခုအပ်နှင်းလျှင် မိမိအနေဖြင့် ၄င်းတာဝန်ကို တာဝန်ကျေပွန်စွာဖြင့် ငွေကြေးနှင့် ပစ္စည်းတစ်ခုကိုမျှ အလွဲသုံးစားမပြုဘဲ စောင့်ရှောက်ရန်အရေးကြီးသည်။ မိဘက မိမိကို ကျောင်းထားပေးလျှင် မိမိအနေဖြင့် စာမေးပွဲတွင် အဆင့်မြင့်မြင့် အောင်မြင်အောင်ကြိုးပမ်းရန် အရေးကြီးသလို၊ လူ့အသိုင်းအ၀န်း တွင်လည်း အကောင်းမွန်ဆုံးလူ၊ အကူအညီပေးသူ၊ စိတ်ထားအကောင်းဆုံးသူ၊ ဖြစ်အောင် ကြိုးပမ်းရ မည်။ ထိုသို့ တာဝန်ကျေပွန်သူသည် သစ္စာတရားစောင့်ထိန်းသူဖြစ်သည်။ လူကောင်းတို့၏ စာရင်းတွင် အသင်ပါဝင်လာလျှင် အသင်သည် အစဉ်အကောင်းမြင်သူဖြစ်လာမည်။ လူတို့၏ နုတ်ဖျားတွင် အသင့်နံမည်သည် အစဉ် တမ်းတစရာ ဖြစ် လာနိုင်သလို အလ္လာဟ်ထံပါးတွင်လည်း မွန်မြတ်မြင့်မြတ်သူ လူကောင်းတစ်ဦးဖြစ်လာမည်။ ထိုသူတို့သည် လောကီ လောကုတ္တရာ နှစ်ဋ္ဌာနေလုံးတွင် အောင်မြင်သူဖြစ်လာမည်။
၎း ၅၇) ကျမ်းမြတ်ကုရ်အာန် စူရာ ၄ အာယသ်တော် ၅၇ တွင် အလ္လာဟ်အရှင်မြတ် မိန့်တော်မူသည်မှာ ငါအရှင်မြတ်အား ယုံကြည်သူနှင့် သစ္စတရားစောင့်ထိန်းသူတို့သည် ဂျန္နသ်ဥယျဉ်ဘုံသို့ ၀င်ရောက်ခွငြ့်ပုမည်။ ၄င်းဂျန္နသ်ဥယျဉ်ဘံ၏ အောက်ဝယ် စမ်းချောင်းများ တသွင်သွင်စီးဆင်းနေပြီး ၄င်းအတွင်း သူတို့သည် ထာဝရနေထိုင်ခွင့်ရမည်ဖြစ်သည်။ ၄င်းတို့အတွက် မြင့်မြတ်သန့်စင်သော ဟူရ်ကညာများ သတ်မှတ်ထားရှိပြီး အေးမြသော အရိပ်ဆာယာတွင်နေခွင့်ရှိမည် ဖြစ်သည်။
ထိုသို့အဟုတ်ဘဲ မွတ်စ်လင်မ်အဖြစ် နံမည်သာရှိပြီး လုပ်ရပ်မှန်သမျှသည် အလ္လာဟ် မနှစ်သက်သည့် လုပ်ရပ်များဖြစ်နေ ခြင်း၊ မိမိလုပ်သင့်သည့် သစ္စာတရားကို မစောင့်ထိန်းသူသည် စင်စစ် အရေချုံ မုနာဖိက်တို့ပင်ဖြစ်သည်။ တမန်တော်မြတ် (ဆွ) မိန့်တော်မူသည်မှာ- မည်သူမဆို အောက်ဖေါ်ပြပါ မကောင်းသည့်အရည်အချင်း ၄ ချက်နှင့် ပြည့်စုံသူသည် မူနာဖိက် အရေချုံဖြစ်သည်။ ၄င်းတို့မှာ
၁။ ယုံကြည်ကိုးစားသည့်အခါ အလွဲသုံးစားပြုခြင်း။
၂။ ကတိပေးအပ်သောအခါ ကတိဖေါက်ဖျက်ခြင်း။
၃။ စကားပြောလျှင် လိမ်လည်ပြောခြင်း။
၎။ စကားများလျှင် ဆဲဆိုခြင်းခြင်း စသည်တို့ဖြစ်သည်။
သို့သော် ပညာရှင်အများစုက လူတစ်ဦးထံတွင် ၄င်းအရည်အချင်များကို ရံဖန်ရံခါတွေ့ရလျှင် သူ့အား မူနာဖိက်ဟု မခေါ်ဆိုထိုက်ဟု ဆိုပါသည်။ သို့သော် လူတစ်ဦးသည် ၄င်းအမှုကိစ္စများကို မကြာခဏ လုပ်လေ့လုပ်ထရှိခြင်း၊ အကျင့်ပါ နေခြင်း၊ ထိုသို့လုပ်ရသည်ကို ပျော်မွေ့ခြင်း စသည်တို့ဖြစ်နေပါက ထိုသူသည် အမှန်ပင် မူနာဖိက်ဖြစ်သည်။
၃။ လူသားနှင့် မိမိကိုယ်ကို သစ္စာတရားစောင့်ထိန်းခြင်း
အလ္လာဟ်အရှင်မြတ်သည် မိမိတို့လူသားတို့ကို ပြည့်ပြည့်စုံစုံဖြင့် ဖန်ဆင်းပေးသနားထားပါသည်။ မိမိတို့ကိုယ်တွင် ဦးနှောက်၊ မျက်စိ၊ နား၊ နှာခေါင်း၊ လက်နှစ်ဘက်နှင့် ခြေနှစ်ချောင်း ပေးထားပြီး ၄င်းတို့အနက် တစ်ခုချင်းစီတွင် အရည်အချင်း တစ်ခုစီရှိကာ ထိုအရာဖြင့် မိမိတို့ကိုယ်ကို ကောင်းစွာ စောင့်ရှောက်နိုင် ပါသည်။ ထိုသို့ စောင့်ရှောက်ရန် မိမိတို့တွင်တာဝန်ကိုယ်စိရှိပါသည်။ မိမိတို့၏ ခန္ဓာကိုယ်သည် မိမိတို့ပိုင်မဟုတ်ပါ။ အလ္လာဟ်အရှင်မြတ် ပိုင်သော၊ ဖန်တီးထားသော ခန္ဓာဖြစ်သည်။ သို့ဖြစ်၍ ၄င်းကို အနာတရဖြစ်စေခြင်း၊ ရောဂါစွဲကပ်စေခြင်း၊ အလွဲသုံးစားပြုခြင်း စသည်တို့မှ ကာကွယ်စောင့်ရှောက်ရမည်။ ခန္ဓာကိုယ်တွင် ဆေးမှင်ထိုးခြင်း၊ ပုံဆွဲခြင်း၊ ဆေးဝါးထိုးသွင်းခြင်း၊ အရက်သောက်ခြင်းဖြင့် အသဲနှင့်ကိုယ်တွင်း အင်္ဂါများကိုပျက်စီးစေခြင်း၊ စသည် မလုပ်ထိုက်သောအလုပ်များကို အလ္လာဟ်အရှင်မြတ်နှစ်သက် သည်မဟုတ်ပါ။ မိမိတို့လူသားတို့သည် မိမိတို့ကိုယ်ကို ကာကွယ်စောင့်ရှောက်ခြင်းဖြင့် ကိုယ့်ကိုယ်ကို သစ္စာစောင့်ထိန်းရမည်။
မိမိတို့အား ပေးသနားသည့် မျက်လုံးများကိုလည်း ညအခါ အနားပေးပြီး မနက်ပိုင်းတွင် အသုံးချသင့်သည်။ ၄င်းအပြင် အလ္လာဟ်မနှစ်သက်သည့် အရာများ၊ အပြာရောင်ပုံနှင့် ဗွီဒီယိုများ စသည်တို့ကို မကြည့်သင့်ပါ။ ထိုနည်းအတိုင်းပင် မိမိတို့၏ နားများကို အလ္လာဟ်မနှစ်သက်သည့် အရာများကို နားထောင်ခြင်းထက် ကျမ်းမြတ်ကုရ်အာန်နားထောင်ခြင်း၊ အခြားအကျိုးရှိသည့် အရာများကိုနားထောင်ခြင်း၊ စသည်တို့ကို လုပ်သင့်ပါသည်။ လက်များကို၎င်း၊ ခြေကို၎င်း ထိုနည်းအတိုင်း အကျိုးရှိသည့်နေရာများတွင် အသုံးချပြီး အကျိုးမရှိသည့်နေရာများတွင် အသုံးမချသင့်ပါ။
ကျမ်းမြတ်ကုရ်အာန် စူရာ ၃၆ အာယသ်တော် ၆၅ တွင် မိန့်သည်မှာ ယနေ့ ငါအရှင်မြတ်သည် သူတို့၏ နုတ်ကို ပိတ်ပစ်မည်ဖြစ်ပြီး သူတို့၏ လက်များသည် ငါအရှင်အား စကားပြောလိမ့်မည်။ ခြေထောက်တို့သည် သူတို့လိမ်လည်ခဲ့ သမျှကို သက်သေခံလိမ့်မည်။ ထိုနည်းအတိုင်း နုတ်ကိုလည်း ချိုသာသောစကား အကျိုးရှိသည့်စကားတို့ ကိုသာ ပြောကြားသင့်ပြီး သူများအကြောင်း မကောင်းပြောခြင်း၊ အကျိုးမပြုသည့် စကားများတွင် အချိန်ဖြုံးနေခြင်း စသည်တို့ကို ရှောင်သင့်ပါသည်။ သို့ဖြစ်ကာ အသင်သည် မိမိကိုယ်ကို သစ္စာရှိကြောင်း ပြသရာရောက်မည်ဖြစ်သည်။ အသင်သည် မိမိနှင့် မိမိကိုယ်ကို ယခုကဲ့သို့ သစ္စာရှိရှိဖြင့် ဆက်ဆံကြည့်လျှင် အကျိုးနှစ်ခုရရှိရရှိမည်ဖြစ်သည်။ ပထမတစ်ခုသည် အလ္လာဟ်အရှင်မြတ် အမိန့်တော်ကို လိုက်နာခြင်းအတွက် ဂျန္နသ်ဥယျဉ်တွင် နေထိုင်ခွင့်ရရှိမည်ဖြစ်ပြီး ဒုတိယတစ်ခုသည် လောလောဆယ် ဤလောကတွင် မိမိခန္ဓာကိုယ် ကျန်းမာချမ်းသာခြင်း၊ အသက်ရှည် အနာမဲ့ခြင်း အကျိုးကို ခံစားရရှိမည်ဖြစ်ပါသည်။
Friday, September 3, 2010
Thrustworthiness အမါနသ် သစ္စာတရားကို စောင့်ထိန်းခြင်း
Posted by Islamic Josh at 6:53 PM 0 comments
လူသားများကို ကြင်နာခြင်း
တမန်တော်မြတ် (ဆွ) အမိန့်တော်လာရှိသည်မှာ-ကြီးသူများကို မလေးစားသူနှင့် ငယ်သူတို့ကို ညှာတာထောက်ထားမှု မရှိသူသည် ငါတို့၏ အသိုင်းအ၀န်းမှ မဟုတ်ဟူ၍ဖြစ်ပါသည်။ (သိရ်မိဇီကျမ်း)။ ထို့ကြောင့်လည်း ကြီးသူတို့သည် မိမိတို့ထက် ငယ်ရွယ်သောသူတို့ကို ညှာတာထောက်ထားရမည်ဖြစ်သလို သူသည် ငယ်ရွယ်သူတို့ကို ကြီးနိုင်ငယ်ညှင်း မလုပ်သင့် ဘဲ အစဉ် ကူညီစောင့်ရှောက်ရမည်။ စကားပြောလျှင်လည်း ကြမ်းကြမ်းတမ်းတမ်း မပြောသင့် ဘဲ နောက်ပြောင်ခြင်း စိတ်ဆင်းရဲအောင်လုပ်ခြင်းလည်း မပြုလုပ်သင့်ပါ။ အမှန်စင်စစ် ကြီးသူ သည် ငယ်ရွယ်သူတို့ကို စိတ်ရှည်ရှည်ထားကာ ဆက်ဆံရမည်ဖြစ်သလို မိမိအနေဖြင့် စံပြ သဖွယ် ငယ်ရွယ်သူတို့ကို လမ်းပြသင့်ပါသည်။ သို့ဖြစ်ကာ ငယ်ရွယ်သူတို့သည် မိမိတို့ကိုယ် တိုင်လည်း စိတ်ရှည်လက်ရှည် လုပ်တတ်ကိုင်တတ်လာနိုင်ပြီး လူကြီးသူမတို့ကိုလည်း လေးလေးစားစား ဆက်ဆံသည့် အကျင့်ရမည်ဖြစ်သည်။
ထိုနည်းအတိုင်းပင် ငယ်ရွယ်သူတို့သည် မိမိတို့ထက်ကြီးသော အကိုနှင့် အမများကိုလည်း လေးလေးစားစား ဆက်ဆံကြရမည်။ ငယ်ရွယ်သူသည် မိမိထက်ထက်ကြီးသောသူတို့ကို စိတ်အနှောက်အယှက်ဖြစ်အောင် မလုပ်သင့်သလို၊ သူတို့ကို စိတ်တိုအောင်လည်း မပြုလုပ်မိ ရန် သတိပြုရမည်ဖြစ်သည်။ ကြီးသူအကိုအမများအနေဖြင့် သူတို့အလုပ်လုပ်နေသည့်အချိန်၊ ကျောင်းစားများကျက်မှန်နေသည့်အချိ်န်တွင် ညီငယ်များအနေဖြင့် တိတ်တစိတ်နေသင့်ပြီး သူတို့အနှောက်အယှက်ဖြစ်စေမည့် မည်သည့်အလုပ်ကိုမျှ မလုပ်မိရန် သတိပြုရမည်။
စင်စစ် ကြီးသူနှင့် ငယ်သူတို့နှစ်ဦးလုံး သတိထားရမည့်အချက်သည် တစ်ဦးကိုတစ်ဦး လေးလေးစားစား ဆက်ဆံခြင်း၊ သနားကြင်နာခြင်း နှစ်ဦးလုံး အကျိုးရှိသည့် အလုပ်တို့ကို အစဉ် ဂရုစိုက် လုပ်ကိုင်ဆောင်ရွက်သင့်ပါသည်။
လူတိုင်းကို ကြင်နာရမည်။ အစ္စလာမ်သာသနာ၏ အဆုံးအမများတွင် ကောင်းသောလုပ်ရပ် တိုင်းသည် အလှူဒါန တစ်ခုဖြစ်သည်ဟုဆိုပါသည်။ ထိုကောင်းမှုအတွက် အလ္လာဟ်အရှင်မြတ် သည် ကောင်းသည့် အကျိုးဆွဝါဗ် တစ်ခုပေးအပ်မည်ဖြစ်ပါသည်။ တမန် တော်မြတ် (ဆွ) မိန့်သည်မှာ- နေ့စဉ် နေထွက်ချိန်မှစ၍ မိမိ၏ ခန္ဓာကိုယ် အစိတ်အပိုင်းအားလုံးကို ကောင်းသည့်နေရာများတွင် အသုံးပြုကာ အလှူဒါနလုပ်နေသင့်သည်။ ဥပမာ၊ ရန်လို ဘက်နှစ်ဦးအကြား ပြေလည်အောင်လုပ်ပေးခြင်း၊ လူတစ်ဦးအား ကူညီပန့်ပိုးခြင်း၊ ၀န်တင် ၀န်ချရာတွင် ကူညီခြင်း၊ ကောင်းသောစကားကိုပြောခြင်း၊ ဆွလာသ် ၀န်ပြုရန် ခြေလှမ်းတိုင်း သည်အလှူဖြစ်ခြင်း၊ လမ်းခရီးတွင် ဆူးညှောင့် ခလုပ်များကို ဖယ်ရှားခြင်း စသည့် လုပ်ရန်တို့ သည် ကောင်းမှုအလှူဒါနများဖြစ်သည်။ (သိရ်မိဇီကျမ်းနှင့် ဘူခါရီကျမ်း)။
အထက်ပါဟဒီးဆ်တော်ကို လေ့လာခြင်းဖြင့် မိမိတို့သိနိုင်သည်မှာ မွတ်စ်လင်မ်ဟူသည် လူတို့ ကို ကူညီယိုင်းပင်းသူ၊ သနားကြင်နာသူ ဖြစ်သည်ဟူ၍ပင်ဖြစ်သည်။ တစ်ခါတစ်ရံ လူတိုင်းကို အကူအညီပေးခြင်းသည် ကောင်းသည်မဟုတ်ပါ။ အကြောင်းကတော့ လူတိုင်းသည် အသင့် အတွက် ကောင်းသည် မဟုတ်ပါ။ သို့သော်လည် ထိုအချိန်တွင် အသင်သည် ကောင်းကောင်း မွန်မွန် ဖြစ်သာ ထိုသူကို ဆက်ဆံပါ။ အသင့်ကို အလ္လာဟ်အရှင်မြတ်သည် ကြည့်နေပါသည်။ အသင့်၏ ကောင်းသော စိတ်ဓါတ်၊ မှန်ကန်သော စိတ်ဓါတ်၊ ရိုးသားသောစိတ်ဓါတ်ကို အလ္လာဟ်အရှင်မြတ်သည် ကောင်းစွာသိသည့်အတွက် အသင်စိတ်ပူရန်မရှိပါ။ အသင်သည် စိတ်ရင်းကောင်းဖြစ်သာ ကူညီစောင်မပါလေ။ အချိန်တန်လျှင် အလ္လာဟ်အရှင်မြတ်သည် အသင့်ကို ကောင်းသည့်အကျိုး ပေးသနားမည်သာဖြစ်ပါသည်။
မကောင်းမှုမှ အသိတရားရလာကာ ကောင်းမှုလုပ်ငန်းများဖက်သို့ ပြန်လည်ရောက်လာသူများ ကို အလ္လာဟ်အရှင်မြတ် အလွန်ပင် နှစ်သက်ပါသည်။ အလ္လာဟ်အရှင်မြတ် မိန့်တော်မူသည်မှာ ကောင်းမှုအလုပ်ဟူသည် အဆုံးတွင် အနိုင်ရရှိသည်ပင်ဖြစ်ပါသည်။ ကျမ်းမြတ်ကုရ်အာန်တွင် လာရှိသည်မှာ အသင့်ကို အလ္လာဟ်အရှင်မြတ် ကြင်နာသနားသလို အခြားသူများကိုလည်း ကြင်နာမှုပေးကြလော့၊ (အလ် ကဆာစ် ၂၈း၇၇)။
Posted by Islamic Josh at 6:48 PM 0 comments
Zakat - ဇကားသ်
ဇကာသ် ဟူသည် မိမိတွင်ရှိသော ပစ္စည်းဥစ္စာများအနက်မှ ရှရီအသ်တရားတော်က သတ်မှတ် ထားသော အစိတ်အပိုင်းကို အလ္လာဟ်အရှင်မြတ်၏ အမိန့်ပညာတ်တော်အတိုင်း ဆင်းရဲသား များအား အပိုင်ပေးအပ်လှုဒါန်းခြင်းဖြစ်သည်။ ဆွလာသ်နှင့် ရိုဇာသည် ကိုယ်ကာယအားဖြင့် လုပ်ကိုင်ရသော အိဗါဒသ်ဖြစ်ပြီး ဇကာသ်သည် ဥစ္စာပစ္စည်းဖြင့် ပြုလုပ်အပ်သော အိဗါဒသ်ဖြစ် သည်။ ဇကာသ်ပေးခြင်းနှင့်ပတ်သက်ပြီး ကျမ်းမြတ်ကုရ်အာန် ( ၂း၂၇၇၊ ၆း၁၄၁၊ ၉း၅၊ ၄၁း၇၊ ၇၀း၂၄-၂၅၊ ၇၃း၂၀၊ ၉၈း၅) တွင်လာရှိပါသည်။ ဇကာသ်ပေးခြင်းသည် အစ္စလာမ်မဏ္ဍိုင်ကြီး ၅ ခုတွင်တစ်ခုအပါအ၀င်ဖြစ်ပြီး နိဆာဗ် ရှိသူတို့အဖို့ မဖြစ်မနေလုပ်ရမည် ဖရဖ် တာဝန်ဖြစ် သည်။ ဇကာသ်ပေးခြင်းကို ငြင်းဆန်သူသည် ကာဖိရ်ဖြစ်သည်။ ဇကာသ်ပေးဆောင်ရန်တာဝန် ရှိသောသူတို့မှာ-
(၁) မွတ်စ်လင်မ်ဖြစ်ခြင်း၊
(၂) လွတ်လပ်သူဖြစ်ခြင်း
(၃) အသိဥါဏ်ရှိသူဖြစ်ခြင်း၊
(၄) အရွယ်ရောက်သူဖြစ်ခြင်း၊
(၅) နိဆာဗ်ပစ္စည်းထက် ပိုမိုသော ပစ္စည်းဥစ္စာကိုပိုင်ဆိုင်ပြီး ကြွေးမြီကင်းသူဖြစ်ခြင်း၊
(၆) နိဆာဗ်ထက် ပိုသော ငွေကြေးများကို တနှစ်အနည်းဆုံး ပိုင်ဆိုင်သူဖြစ်ခြင်း။ လူတစ်ဦး တွင် ရွှေ ၇ ကျပ်သားခွဲခန့်ရှိလျှင် ထိုသူတွင် နိဆာဗ်ပမာဏ ရှိနေပြီဟု သတ်မှတ်ရမည်။
နိဆာဗ်ဆိုသည်မှာ ရှရီအသ်တရားတော်က သတ်မှတ်ထားသည့် ဇကာသ်ပေးသင့်သည့် လူတစ်ဦးပိုင်ဆိုင်သော ငွေကြေးပစ္စည်း၏ ပိုင်ဆိုင်မှုသတ်မှတ်ချက်ဖြစ်သည်။ ဥပမာ လူတစ်ဦး ထံတွင် ချောင်လည်စွာ စားသောက် ၀တ်စား နေထိုင်နိုင်သည့် အနေအထားသည် နိဆာဗ် ပမာဏ ပင်ဖြစ်သည်။ လူတစ်ဦးတွင် ၄င်းပမာဏထက် ပိုသောငွေရှိပြီး အကြွေးလည်းကင်းသူ ဖြစ်က ထိုသူသည် ဇကာသ်ပေးဆောင်ရမည်။ ငွေကြေးပမာဏအနေဖြင့် လူတစ်ဦးတွင် ငွေသား ၅၄ ကျပ်ခွဲသားခန့် သို့ ရွှေ ၇ ကျပ်ခွဲသားခန့် သည်နိဆာဗ်၏ ပမာဏပင်ဖြစ်သည်။ သို့ဖြစ်၍ ထိုလူသည် ၄င်းငွေသား သို့ ရွှေသား၏ တန်ဖိုးကို တွက်ချက်ယူပြီး စုစုပေါင်းငွေသား ၏ ၄၀ ပုံ တစ်ပုံကို ဇကာသ်အဖြစ်ပေးရမည်။ တနည်းအားဖြင့် ၁၀၀ ကျပ်လျှင် ၂ကျပ် ၅၀ ပြား ပေးရမည်ကို ဆိုလိုသည်။
နိဆာဗ် အထက်ရှိသော မိမိပိုင်ဆိုင်သည့် ပစ္စည်းများတွင် မိမိနေထိုင်သည့် အိမ်၊ အသုံးအ ဆောင်ပစ္စည်းများ မပါဝင်ပါ။
ဥပမာ
(၁) မိမိနေသည့်အိမ်၊
(၂) မိမိ ငှားရမ်းထားသည့်အိမ်များ၊
(၃) အိမ်အသုံးအဆောင်ပစ္စည်းများ မည်မျှ များသည်ဖြစ်စေ၊ (အ၀တ်အစား၊ အိုး၊ခွက်ယောက်၊ ပုကန်၊ ဆိုင်၊ ကား၊ စက်ဘီး၊ ဆိုင်ကယ်)
(၄) အရောင်းအ၀ယ်အတွက်မဟုတ်သည့် ကျောက်မျက်ရတနာများ၊
(၅) လူတစ်ဦးထံတွင် ရွှေ ၃ (သို့) ၄ (သို့) ၅ (သို့) ၆ ကျပ်သားခန့်သာရှိလျှင် နိဆာဗ် ပမာဏဖြစ်သည့် ၇ ကျပ်ခွဲ သားခန့် မရှိသဖြင့် ဇကာသ်ပေးရန်မလိုပါ။
(၆) လူတစ်ဦးတွင် ရွှေ နှင့် ငွေသား ပမာဏ နှစ်ခုပေါင်းလျှင် ရွှေ ၇ ကျပ်ခွဲသား တန်ဖိုးနှင့် ညီမျှသွားလျှင်မူ ဇကာသ်ပေးရမည်။
(၁) မိမိထံရှိ နိဆာဗ် ပမာဏ ပြည့်နေပြီဖြစ်သော ရွှေနှင့် ငွေများ၊ ရွှေခွက် ငွေခွက်များ၊
(၂) ရောင်းဝယ်ရန် ရည်ရွယ်ချက်ဖြင့် ၀ယ်ထားသောပစ္စည်းများ၊
(၃) အသီးအနှံ၊ ကောက်ပဲသီးနှံများ၊ ပဲ၊ ပြောင်း၊ စပါး၊ မုယော၊ ဂျုံ၊
(၄) အ၀တ်အထည်၊စားသောက်ဖွယ်ရာများ၊
(၅) အိမ်သုံးပစ္စည်းများ၊
(၆) အိမ်ထောင်ပရိဘောဂများ၊
(၇) အိမ်၊
(၈) ဆိုင်၊
(၉) ကား၊
(၁၀) ဆိုင်ကယ်၊
(၁၁) တိရိစ္ဆာန်များ၊ နွား၊ ကျွဲ၊ ကုလားအုပ်၊ ဆိတ်၊ သိုးနှင့် အခြားပစ္စည်းများ။
(၁) ဇကာသ်ပေးဆောင်ရန် တာဝန်ရှိသူသည် ဇကာသ်စားထိုင်သူတစ်ဦးကို အလ္လာဟ် အရှင်မြတ် အဖို့ ရည်စူးလျှက် အပိုင်ပေး အပ်လိုက်ရမည်။ဇကာသ်ရသူသည် ၄င်းပစ္စည်း (သို့) ငွေကြေးကို မိမိနှစ်သက်သလို အသုံးပြု နိုင်သည်။
(၂) ဇကာသ်ငွေကို လုပ်ခအဖြစ်၎င်း၊ အလုပ်တစ်ခုခု ခိုင်းသည့် အတွက် အသုံးမပြုနိုင်ပါ။
သို့သော် ဇကာသ်ငွေမှ ပစ္စည်းဝယ်ပြီး ဆင်းရဲသားတို့အား ဝေငှခြင်းသည် ပြုပိုင်ခွင့် ရှိသည်။
(၃)နိဆာဗ်ပစ္စည်းပိုင်ဆိုင်ခြင်း တစ်နှစ်ပြည့်လျှင် ပေးသင့်သောဇကာသ်ပစ္စည်းကို ချက်ချင်းပေးသင့်သည်။
ဇကာသ်ကို ကြိုတင်ပေးထားခြင်းသည်လည်းပြုပိုင်သည်။
(၄) ရမ်ဇာမ်လမရောက် ခင် ရှာဘာန်လကတည်းက ကြိုတင်ပေးကကောင်းသည်။အကြောင်းအမျိုးမျိုးကြောင့် လူတစ်ဦး အား (အလှုငွေဖြစ်စေ) ငွေပေးပြီးနောက် ၄င်းငွေကို ဇကာသ် အဖြစ် ပြောင်းလဲပိုင်ခွင့်မရှိပေ။
(၅)မိမိသိသူတစ်ဦးအား ဇကာသ်ပေးချိန်တွင် ဇကာသ်ဟု မပြောဘဲ ချီးမြှင့်ငွေအဖြစ်၎င်း၊ အီဒ်လက်ဆောင် အဖြစ်ပြောပေးပိုင်ခွင့်ရှိသည်။ မသိသူများကိုမူ ဇကာသ်အဖြစ်ပြောရမည်။
(၆) နိဆာဗ်ပစ္စည်းပိုင်ဆင်ပြီး တစ်နှစ်ပြည့်ပြီးနောက် ဇကာသ်မပေးမီ ၄င်းပစ္စများ မီးလောင် ပျက်ဆီးဆုံးရှုံး သွားလျှင် ထိုသူအပေါ် ဇကာသ်တာဝန်မရှိတော့ပါ။
(၇) တစ်နှစ်ပြည့်သည့်အချိန် မိမိပစ္စည်းများအားလုံးကို အလ္လာဟ်လမ်းတွင် ပေးလှူလိုက် လျှင် ဇကာသ်အတွက် ခွင့်လွှတ်ချက်ရရှိသွားပြီဖြစ်သည်။
နိဆာဗ် ပမာဏပစ္စည်းပိုင်ဆိုင်သူ။
ဆိုင်ယဒ်နှင့် ဗနီဟာရှင်အမျိုးအနွယ်များ။
ဇကာသ်ပေးသူ၏ အမိ၊ အဖ၊ အဖိုး၊ အဖွား၊ အထက်နှင့် အောက် အဆက် အနွယ်များ။
သားသမီး မြေး မြစ် နှင့် ၄င်းတို့မှ ဆင်းသက်လာသောသူများ။
ဇနိး (သို့) ခင်ပွန်း
ကာဖိရ်
ကြွယ်ဝချမ်းသာသူတို့၏ အရွယ်မရောက်သေးသော သားသမီးများ။
နိဆာဗ် ပမာဏမျှ ပစ္စည်းမရှိသူများ။
သူဆင်းရဲများ။
ပစ္စည်းရှိသော်လည်း အကြွေးပေးလိုက်လျှင် နိဆာဗ်ပမာဏမျှ တန်ဖိးုပင် မရှိတော့သူများ။
လမ်းခရီးတွင် ငွေကြေးပြတ်လတ်နေသော ခရီးသည်များ။
ဆင်းရဲသော ဆွေမျိုးသားချင်းများ။
ဆင်းရဲသော အိမ်နီးနာချင်း၊ မြို့ရွာရှိ လူများ။
မိဘမဲ့များ၊ အစောင့်အရှောက်ကင်းသော အဖိုးအိုများ
ဆေးကုသခံနေရသည့် သူဆင်းရဲများ။
ဗလီတည်ဆောက်ခြင်း။
ဗလီအသုံးအဆောင်ပစ္စည်များ ၀ယ်ပေးခြင်း။
သေသူအတွက် ကဖန်ပိတ်ဝယ်ပေးခြင်း။
နာရေးအတွက်သုံးခြင်း။
သေသူ၏အကြွေးကို ပေးဆပ်ခြင်း။
ဗလီအတွက်ရေ၀ယ်ပေးခြင်း။
ဇကာသ်မပေးထိုက်သူတစ်ဦးကို ဇကာသ်ပေးအပ်ပြီးမှ ထိုသူမယူ ထိုက်မှန်းသိရလျှင်လည်း မိမိဇကာသ် အထမြောက် သွားပါမည်။
မြေထွက်သီးနှံများနှင့် ပတ်သက်လျှင် သီးနှံထွက်သည့်နေ့တွင်ပေးရမည်။
ရေသွင်းခြင်းမပြုရဘဲ အလေ့ကြပေါက်သော သီးနှံများအတွက် ၁၀ ပုံ ၁ ပုံ။
ရေသွင်းခြင်းဖြစ်ပေါက်သော သီးနှံများအတွက် ၂၀ ပုံ ၁ ပုံ။
လယ်ယာတစ်ခုတွင် တစ်နှစ် ၂ ကြိမ်၊ (သို့) ၃ ကြိမ်သီးလျှင် သီးတိုင်း ဇကာသ်ပေးရမည်။
လယ်ယာတစ်ကွက်ကို လူတစ်ဦးက ငှားရမ်းသီးနှံစိုက်ပျိုး၏။ ငှားသူကသာ ဇကာသ်ပေးရမည်။ လယ်ရှင်ပေးရန်မလိုပါ။
မိမိအိမ်ဝန်းအတွင်း စိုက်ပျိုးထားသော စားသောက်ပင်များအတွက် ပေးရန် မလိုပါ။
ပျမ်းမျှခြင်းအားဖြင့် ကျွဲနွားကောင်းရေ ၅၀ ရှိလျှင် ဇကာသ်ပေးဆောင်ရမည်။
ကောင်ရေ ၄၀ တွင် ၂ နှစ်သား ၁ ကောင်။
ကောင်ရေ ၆၀ တွင် ၁ နှစ်သား ၂ ကောင်။
ကောင်ရေ ၈၀ တွင် ၂ နှစ်သား ၂ ကောင်။
ကောင်ရေ ၉၀ တွင် ၁ နှစ်သား ၃ ကောင်။
ကောင်ရေ ၁၀၀တွင် ၁ နှစ်သား ၂ ကောင်နှင့် ၁ နှစ်သား ၁ ကောင်။
ဆိတ်ကောင်ရေ ၄၀ တွင် ၁ ကောင်။
ဆိတ်ကောင်ရေ ၁၂၀ တွင် ၂ ကောင်။
ဆိတ်ကောင်ရေ ၂၀၀ တွင် ၃ ကောင်။
ဆိတ်ကောင်ရေ ၄၀၀ တွင် ၄ ကာင်။
၄၀ အထက်ကောင်ရေ ၁၀၀ မပြည့်မချင်း ၁ ကောင်သာပေးရမည်။
၄၀၀ အထက် ၁၀၀ ပြည့်တိုင်း ၁ ကောင်ပေးရမည်။
Posted by Islamic Josh at 6:39 PM 2 comments
ရမ်ဇမ်လတွင် လုပ်ထိုက်သော လုပ်ငန်းကြီးလေးရပ်
အို မွတ်စ်လင် အမျိုးသား အမျိုးသမီးအပေါင်းတို့
လမြတ်ရမ်ဇမ်တွင် အရေးကြီးသော လုပ်ငန်းကြီး လေးရပ်ကို အစဉ် လုပ်ကိုင်သင့်ပါသည်။ ၄င်း လုပ်ငန်းလေးခုဟာ သိပ်ပြီး ပင်ပန်းမှုမရှိသလို နေထိုင်သွားလာစားသောက်ရင်းနဲ့ လုပ်ကိုင်ဆောင်ရွက်နိုင်ပါတယ်။ ထိုသို့လုပ်ကိုင် ဆောင်ရွက်ရင်း လူသားဟာ အလ္လာဟ်အရှင်မြတ်၏ နှစ်သက်မှုကို ရယူနိုင်ပြီး မိမိရဲ့ မီဇာန် အလေးချိန်ကိုလည်း အလေးစီးစေနိုင်ပါတယ်။
(၁) အစဉ် လာအိလာဟ အိလ္လလ္လာဟါကို ရွတ်ဖတ်နေခြင်း
(၂) အစဉ် အစ်သဂ်ဖိရွလ္လာဟ်ကို ရွတ်ဖတ်နေခြင်း
(၃) အစဉ် ဂျန္နသ်ဥယျဉ်ကို ရရှိရန် တောင်းခံခြင်း
(၄) အစဉ် ဂျဟန္နမ် ငရဲမီးမှ ကင်းလွတ်ခွင့် တောင်းခံနေခြင်း စသည်တို့ဘဲ ဖြစ်ပါတယ်။
(၃) နှင့် (၄) အတွက် အစဉ် ရဗ်ဗနာ အာသိနာ ဖိဒ်ဒွန်ယာ ဟစနသောင် ၀ဖိလ်အာခိရသိ ဟစနသောင် ၀ကိနာ အဇာဗိန်နာရ် ကို ဖတ်ပါ။
အဲ့ဒီလုပ်ငန်းကြီးလေးရပ်ဟာ အလွယ်တကူလုပ်ကိုင်ဆောင်ရွက်နိုင်သော်လည်း လွယ်လွန်းအားကြီးလို့ အထင်မသေးမိရန် အရေးကြီးပါ တယ်။ လွယ်သလောက်လည်း မေ့တတ်လွန်းတဲ့အတွက် လုပ်ဖို့မေ့သွားတတ်ပါတယ်။ ဒါကြောင့် ရမ်ဇာမ်လမှာ သစ်ဘီ တစ်ခုကိုအစဉ် ကိုယ်နဲ့အတူထားပြီး အားတာနဲ့ အနည်းဆုံး လာအိလာဟအိလ္လလ္လာဟ်ကို အနည်းဆုံး ၁၀၀ လောက်ဖတ်ပါ။ ထိုနည်းအတိုင်း အစ်သဂ်ဖိ ရွလ္လာဟ်ကိုလည်း ၁၀၀ နဲ့ ရဗ်ဗနာ..... ကို အနည်းဆုံး တစ်ကြိမ်လောက်တော့ ဖတ်ဖြစ်အောင် ဖတ်လိုက်ပါလို့ သတိပေးလိုက်ပါရစေ။
နောက်ထပ် တတ်နိုင်တဲ့လူတွေအတွက် ပြောချင်တာက ရိုဇဟ်လမြတ်မှာ ရိုဇာစောင့်ထိန်းခြင်းဟာ အလွန်အရးကြီးသလို ရိုဇာစောင့်ထိန်း သူတွေကို ပြုစုစောင့်ရှောက်တာဟာလည်း အလွန်မွန်မြတ်တဲ့ မြင့်မြတ်တဲ့ လုပ်ငန်းတစ်ရပ်ဖြစ်ပါတယ်။ တမန်တော်မြတ် (ဆွ) မိန့်တော်မူ တာရှိပါတယ်။ မည်သူမဆို ရိုဇဟ်စောင့်ထိန်းသူတွေကို ၀ါဖြေပေးနိုင်ခဲ့ရင် အဲ့ဒီသူကို အလ္လာဟ်အရှင်မြတ်ဟာ မိမိရဲ့ ဟောဇေကောစရ် မှ
ဖျော်ရည်ကို တိုက်ကျွေးမှာဖြစ်ပါတယ်။ မည်သူမဆို အဲ့ဒီဖျော်ရည်ကို တစ်ခါသောက်မိခဲ့လျှင် နောင်ဘယ်တော့မှာ ရေငတ်တော့မှာ မဟုတ် တော့ဖူးလို့လည်း မိန့်ကြားပါတယ်။
ဆွဟာဘာကြီး စအီဒ် ခွဒ်ရီ (ရ) က တမန်တော်မြတ်ရဲ့ ဟဒီးဆ်တော်တစ်ပုဒ်ကို ဆင့်ဆိုထားတာက အလ္လာဟ်အရှင်မြတ်ဟာ ရမ်ဇမ်လမှာ ဂျန္နသ်ဥယျဉ်ဘုံရဲ့ တစ်ခါချက်များအားလုံးကို တစ်လုံး ဖွင့်လှစ်ထားပါတယ်. အဲ့ဒီ ဂျန္နသ်ဥယျဉ်ဘုံအတွင်းမှာ နီတျာရဲနေတဲ့ ပတ္တမြားဖြစ်ပြီး တဲ့ ဟောနန်းတစ်ဆောင်အလား ကြီးကျယ်တဲ့ အိမ်ကြီးတစ်ခုကို ရိုဇာစောင့်ထိန်းသူအတွက် ပေးအပ်မယ်လို့ဆိုပါတယ်။ အဲ့ဒီအိမ်တော်မှာ တံခါးပေါက်ပေါင်း ခုနှစ်သောင်းကျော်ရှိပါမယ်။ အဲ့ဒီတံခါးများအားလုံးကို ရွှေဖြင့်ပြုလုပ်ထားပြီး ရွှေတံခါးချပ်တိုင်းပေါ်မှာ ပတ္တမြားတွေနဲ့ အလှ ဆင်ထားတာဖြစ်ပါတယ်။
ဆက်လက်ပြီး မိန့်ကြားတာက မု့မင်န်တစ်ဦးဟာ ရမ်ဇာမ်လမှာ ပထမနေ့ ရိုဇဟ်စောင့်ထိန်းခဲ့ရင် အဲ့ဒီလူကို နောက်ဆုံးရမ်ဇာမ် ရက်များ အထိ သူ့ရဲ့အပြစ်ဂိုနာများကို ခွင့်လွတ်မှာဖြစ်ပါတယ်။ ဒုတိယနေ့တွင် မု့မင်န်တစ်ဦးသည် ရိုဇာဟ်စောင့်ထိန်းခဲ့လျှင် ထိုသူအတွက် ရမ်ဇာမ်တစ်လလုံးအတွက် ကဖ်ဖာရာများ ပေးပြီးဖြစ်သွားမည်ဖြစ်သည်။ ထို့နောက် ကျန်တဲ့ရိုဇဟ်များအားလုံးအတွက် ရိုဇဟ်တစ်လုံး ထားတိုင်း ဂျန္နသ်ဥယျဉ်အတွင်း ရွှေဖြင့်ပြီးသော အိမ်တစ်စောင်ကို ပေးအပ်မည်ဖြစ်ပါသည်။ အဲ့ဒိအိမ်မှာလည်း တံခါးပေါက်ပေါင်း တစ်ထောင်ကျော်ရှိပါတယ်။ နောက်ပြီး အဲ့ဒီမု့မင်န်အတွက် ကောင်းကင်တမန် ၇ သောင်းကျော်ဟာ ခွင့်လွတ်မှုအတွက် အစဉ် ဆုတောင်းနေပါတယ်တဲ့။ နောက်ပြီး ရမ်ဇာမ်လမှာ မုမင်န် တစ်ဦးရဲ့ စိဂ်ျဒဟ် တစ်ခုအတွက် တစ်ထောင့်ခုနှစ်ရာသော အကျိုးစ၀ါဗ်များကို ပေးအပ်မှာဖြစ်ပါတယ်။ နောက်ပြီး အဲ့ဒီစိဂ်ျဒဟ် အတွက် သစ်ပင်တစ်ပင်လည်း ရရှိမှာဖြစ်ပါတယ်။ ထူးခြားတာက အဲ့ဒီသစ်ပင်ရဲ့ အရိပ်ဟာ အလွန်ကြီးမားလွန်းပြီး လူတစ်ယောက်ဟာ အဲ့ဒီအရိပ်မှာ နှစ်ပေါင်းတစ်ထောင် မြင်းနဲ့ နှင်ရင်တောင် အဲ့ဒီ အရိပ်ဟာ ကုန်ဆုံးလိမ့်မည်မဟုတ်လို့ဆိုထားပါတယ်။
တမန်တော်မြတ် (ဆွ) ဆက်လက်မိန့်တော်မူတာက- အလ္လာဟ်အရှင်မြတ်ဟာ ရမ်ဇာမ်လရဲ့ ပထမညမှာ လူ့တိုင်းဋ္ဌာနေကို မျက်နှာတော်မူပါတယ်။ အကယ်၍ အရှင်မြတ်ရဲ့ အကြည့်ဟာ လူတစ်ဦးအပေါ်ကျရောက်ပြီဆိုရင် အဲ့ဒီလူဟာ ဘယ်တော့မှ အပြစ်ပေးခြင်းခံရတော့မှာ မဟုတ်ပါဘူး။ ဒီလိုနဲ့ နေ့စဉ် လူပေါင်းတစ်သန်းကို ငရဲမီးကနေ ကယ်တင်သွားပါလိမ့်မယ်။ အလ္လာဟ်အရှင်မြတ်ဟာ လူသားတွေကို အပြစ်တွေက ကယ်တင်တဲ့ အလုပ်တစ်ခုကိုသာ လုပ်တာမဟုတ်ပါဘူး၊ လူသားတွေကို နေမသ် တွေလည်း မြောက်များစွာပေးအပ်ပါတယ်။ သဘောက မည်သူမဆိုအပေါ် အလ္လာဟ်အရှင်မြတ်ရဲ့ အကြည့်တော် ကျရောက်ပြီဆိုရင် အဲ့ဒီလူသားဟာ နောင်ကို မည်သည့်အခါမျှ မကောင်းမှု လုပ်ချင်တဲ့ စိတ်ကူး မဖြစ်ပေါ်တော့ပါဘူး။
Posted by Islamic Josh at 6:21 PM 0 comments
